Abahagizi ba NUP barikutambura omu tauni ya Hoima eriizooba..(Photo by Wilson Asiimwe)

Akaruuru ka Hoima; Okuronda akaruuru kuri omumahisa-nyungu

N’ebya Wilson Asiimwe

HOIMA:
  
Obwo okuronda akaruuru k’ow’entebe yakataano ahabwa disiturikiti ya Hoima kurikwirira okuhwa nyencakare, abakwatsire ebendera ya NRM na NUP bashaba obushagiki bw’abarikukurira ebibiina ebi.

Nikigambwa ngu Purezidenti Yoweri Museveni Ceeyamaani wa NRM na Robert Kyagulanyi owa NUP nibaija kuza Hoima kurondera akaruuru abakwasire ebendera z’ebibiina byabo.

Akaruuru aka nikeija kuteerwa aharwakana, 14/9/2023.

Entebe egi ekagumiraho bwanyima y’owabaire ari Ceeyamaani LC5, Kadiri Kirungi kufeera omuri butandu ahabiro 17/3/2023 omuri Bukomero omu disiturikiti ya Kiboga.

Moses Aguuda, okwatsire ebendera ya NUP yaagira ngu Kyagulanyi naija kuronda akaruuru omu disiturikit eriizooba kuhisya nyencakare.

Aharubaju orwa NRM, abeebembezi abarimu Enganzi y’eihanga, Robinah Nabbanja, Emmanuel Dombo n’abandi batweire omuri Hoima kwiha wiiki ehwaire barikurondera Uthman Mubarak akaruuru.

Omuduumuzi wa pooriisi ahabwa Hoima, Jackson Bogere naagira ngu nibeija kuheereza oburinzi boona abetsimbire oihireho ebibiina ebi barimu.

Abetsimbire harimu Uthman Mubarak (NRM), Moses Aguuda (NUP), Patrick Musinguzi (FDC) n’abandi.

#WestUpdates