Justice Simon Mugenyi Byabakama ashabire abateezi b'akaruuru obutareetaho obuvuyo...(Photo by Ambrose Niwagaba Katoto)

Akaruuru k’okutoorana Ceeyamaani LC5 ahabwa Hoima n’ak’eriizooba

N’ebya Peter Abaanabasazi

Abateezi b’akaruuru omu disiturikiti ya Hoima eriizooba nibaija kweshuka ahamyanya 173 y’okuteereramu akaruuru kutoorana Ceeyamaani waabo omusya.

Eizooba erya nyomwabazyo, orikukurira ekitongore ky’eby’oburuuru omu eihanga, Justice Simon Mugenyi Byabakama ayehanangiriize abantu obutareetaho obutabanguko omu karuuru aka.

Justice Byabakama agambireho n’abu kirikukwataho omukwetebeekanisiza akaruuru aka kandi nibaija kurangirira ebiraarugye omu karuuru ahakishaayi ekya Dwoli Primary School.

Ceeyamaani w'akakiiko k'eby'oburuuru omu NRM, Dr. Tanga Odoi

Ogu araganeise ngu nk’ekitongore, nibaija kureeba ngu akaruuru aka kaaba ak’obusingye n’oburingaaniza.

Agarukire yaashaba boona abu kirikukwataho okureeba ngu akaruuru aka kaateerwa omu busingye kandi ashabire abantu ba Hoima okukuratira ekiragiro n’okwija omu bwingi kutoorana omwebembezi waabo.

Hoima eine abateezi b’akaruuru 94,824.

Okwetebeekanisiza akaruuru ka Hoima akariho eriizooba...

Abetsimbire ahantebe egi harimu Uthman Mubarak Mugisa (NRM), Moses Aguda (NUP), Patrick Musiguzi (FDC), Savanna Vincent Muhumuza (Independent) na Lennox Mugume (Independent).

Entebe egi ekagumir'aho bwanyima y’owabaire ari Ceeyamaani, Kadiri Kirungi kufeera omuri butandu omukwakashatu omwaka ogu ahanguuto eya Kampala-Hoima omu disiturikiti ya Kiboga.

#WestUpdates