Babiri bakwateirwe okubuzaho omwerere omuri Kampala.

N’ebya Simon Masaba

KAMPALA

Pooriisi omuri Kampala ekwatsire abantu babiri ahabw’okugira akakwate n’okubuzaho omwana w’omwojo w’emyaka 3 omuri Luwafu, Katwe omuri Makindye Divijoni.

Banyakuteekateekwaho bamanyirwe nka; Mary Kansiime, omukozi w’omuka hamwe na Polycarp Bulambo, enzaarwa ya Congo abarikugambwa kuba babaire nibashaba abazaire b’omwana ogu esente kuza kurekura omwana waabo.

Banyakuteekateekwaho nibagambwa kuba bateereire esimu ishe w’omwana, Jean-Claude Byakagaba, 36, empungi erikutuura omu Uganda kandi bamushabire shiringi miriyooni 20 kuza kurekura omwojo ou barikugira ngu bamutwire Sudan.

Byakagaba, beitu hoona, ahababire enshonga egi aha Pooriisi nikwo kutandika kuhiiga abainazi abamwibire n’okucungura omwana ogu wiiki ehwaire.

Omuhwezi w’omugambirizi wa Pooriisi ya Kampala n’emyanya egiheereire, Luke Owoyesigyire ahamize okukwatwa kwa babiri aba omurukiiko orw’ebitongore by’okwerinda orwamakwatane aha kitebe kikuru kya Pooriisi omuri Naguru, Nakawa Divijoni aharw’okubanza ebiro 30.09.2024.

 "Ababiri aba bakwatsirwe kandi nibeija kutwarwa omu kooti wiiki egi baajunanwe, Owoyesigyore arikushohorora.

Naagira ngu okucondooza kuriyo nikugyenda omu maisho.

#WestUpdates