Owoyesigyire naagira ngu Pooriisi ya Najjansi ekwataniise n’ekitongore kya Pooriisi eky’obwa mbega batandiikire kucondooza kubaasa kuronda oine omwana waabo.

N’ebya Omushaki weitu

KAMPALA

Pooriisi neegira ngu ecungwire omwana w’omwaka gumwe bwanyima y’okuhambwa n’okubuzibwaho omukozi w’omuka kuruga omu rurembo orwa Kampala.

Omuhiigo ogubaire gwebembiirwe ekitongore kya Pooriisi eky’obwambega na Pooriisi ya Kajjansi nabwo bakwatiiremu abantu 2 abarimu; omukazi w’emyaka 20 omanyirwe nka Prossy Nakija.

Luke Owoyesigyire, Omuhwezi w’omugambirizi wa Pooriisi ya Kampala n’emyanya egiheereire naagamba omwana okwatsirwe nka; Sserwadda Lucas, omutuura wa Ngobe Zone omuri Bunamwaya, Kampala.

Nikigambwa ngu Nakija obaire atwire omu eka egi kumara wiiki 2 arugire omu nju n’omwana hamwe n’enshaho ahabiro 10.07.2024. 

Bwanyima y’okumuronda akabura, ishe Nimrod Mugaga ahababire omushango gw’okubura kw’omwana we.

Owoyesigyire naagira ngu Pooriisi ya Najjansi ekwataniise n’ekitongore kya Pooriisi eky’obwa mbega batandiikire kucondooza kubaasa kuronda oine omwana waabo.

Omu kucondooza kwabo, ab’eby’okwerinda bakwatsire Kayanga Allan, 20, owa Luzira omanyirwe kuba ari omukundwa wa Prossy Nakija.

Owoyesigyire nayongyeraho ngu okucondooza nabwo bakuhikize aha mwaro ogwa Mayuge omuri Burugwa-Izooba bwa Uganda ahi bakwateire Nakija aine omwana, obaire ahuriire kandi ari omumbeera nungi.

#WestUpdates
#RadioWestAt25