Pooriisi necondooza okuteera amasasi aharwa Entebbe.

N’ebya Simon Masaba

ENTEBBE

Pooriisi eriyo necondooza omushango gw’okuteekateekwa kwita bwanyima y’okuteera amasasi okubaireho aha Sande ebiro 07/04/2024 omu shaaha z’akasheeshe ka Sande.

Eki ki abire ahari Munyonyo roundabout, haihi n’orutindo gwa Kaggwa aharuguuto nyeigyendwa orwa Entebbe omuri Makindye Sabagabo, omu disiturikiti ya Wakiso, Okurugiirira aha mugambirizi wa Pooriisi ya Kampala n’emyanya egiheriire, Patrick Onyango.

Okurugiirira ahari Onyango, omushaija ofiire amanyirwe nka Francis Masembe, 34 kuruga Kajjansi omu disiturikiti ya Wakiso kandi afiire ahabw’obuhuta bw’amasasi obu atungire.

Okuteera amasasi kutandiikire obu Masembe obaire ashendekyereziibwe omukazi we, Eunice Orishaba, hamwe na munywani wa famire, Godfrey Odeke, bemeriire aharuguuto na piki yaabo.

Aba nibagambwa kuba babaire nibateekateekwa kutwara Masembe omu makagye ahabw'okuba obaire asinzire.

"Embeera eizire kusisikara obu omushaija omanyirwe nka; Isaac Ssali obaire ari omu motoka y’ekika kya BMW ehandikirwe omu namba ya UBM 300M abajunaanire okuba bari abashuma, Okurugiirira ahari Onyango.

Aba batandikire kutongana ahi Ssali arikugambwa kuba ateire Masembe eisasi erimurugiriiremu okufa kwe yaheza kuhikibwa ah’eirwariro erya Kiruddu.

 Okurugiirira ahari Onyango, Pooriisi erahukire kuhika aha mwanya nikwo kutandika kucondooza kandu embundu erikugambwa kuba ekoresiibwe omu kwita eshangirwe aha mwanya. Ssali nawe aizire yakwatwa.

Aberebiire nagabo nibakyoreka ngu omugyenzi abaire asinzire kandi agizireho obuteikirizana n’omukazi we ekireteire batandika kuhanisana ebigambo.

Nabwo nikigambwa ngu nyakuteekateekwaho atongaine na Masembe.

Amasasi 12 nago gashangirwe aha mwanya ogu Masembe ateereirweho amasasi.

Onyango naagira ngu okucondooza kuriyo nikugyenda omu maisho.

#WestUpdates