Bataano bakwateirwe omuri Kampala ahabw’okutema omuntu bakamwita.

N’ebya Omushaki weitu

KAMPALA

Pooriisi omuri Kampala neegira ngu ekwatsire abantu 5 abarikuteekateekwaho kutaahirira abakundaine 2 ekirugiriiremu okufa kw’omuntu omwe omuri Makindye.

Nikigambwa ngu Megade Tonny, omuvugi wa boda orikukorera aha siteegi ya Nakibuuka omuri Israel Matovu Zone, abaire nataaha n’omukazi we, Namubiru Jane, obu atemirwe akatunga obuhuta obumurugiriiremu okufa.

Okurugiriira ahamuhwezi w’omugambirizi wa Pooriisi ahabwa Kampala n’emyanya egiheereire Luke Owoyesigyire, abashuma bataahiriire omushaija ogu akaire kakye yaheza ku paakinga 
piki aha mwanya gw’okwemerezaho emotoka omu kicweka ekyo.

"Aba bataahiriirwe abashuma 8 abakwatsire Megade Tonny bakamucumita,” Owoyesigyire aharwakashatu ebiro 09.10.2024 arikushoborora. 

Nayongyeraho ngu omukazi w’omugyenzi Namubiru Jane ateire enduuru eretsire baariraanwa nikwo abainazi kwiruka bakabura.

Nayongyeraho ngu okucondooza okwahikireho nikworeka ngu abainazi aba babuzireho n’esimu hamwe n’esente eby’omugyenzi.

Ahitwaza kuhandiikira amakuru aga, ebirikukwata aha bainazi abakwatsirwe bibaire bitakashohoziibwe.

Beitu hoona, Pooriisi omu kihandiiko kyayo neegira ngu omwe ahari banyakuteekatekwaho akwatsirwe yayehakana okugira akakwate koona n’ekikorwa eki kandi ogu ayetsire ceeyamaani w’ekyaro kya Katale Zone omu woodi ya Kyagombwa Sowed, ngu ataahe omunshonga egi atatwarwa aha Pooriisi.

Owoyesigyire naagira ngu omutumbi gw’omugyenzi gwihirweho gwatwarwa omu kabafu ah’eirwariro erya Mulago kukyeberwa.

#WestUpdates