RDC wa Kakumiro, Rtd. David Matovu naagira ngu ngu ebintu ebi nibeija kuhwera abaishiki n’aboojo. Photos by Ambrose Katooto.

N’ebya Ambrose Nuwagaba Katooto

KAKUMIRO

Eminyeto erikurenga 1,020 okuruga omu maka g'abantu abaakwasirweho omudumu gw’amajuta ogwa East African Crude Oil Pipeline (EACOP) baatungire ebikwato by'okwejunisa omu mirimo y'emikono.

Ebikwato ebibahairwe birimu; ebiharaani, ebikwato bya Saruuni, ebyoma by'okukanika, ebyoma by'okwombekyesa hamwe n'ebyoma by'okukoresa omumashanyarazi.

Omukoro ogu gubaire omu gomborora ya Kashambya omu disiturikiti ya Kakumiro.

Omukoro ogu gubaire omu gomborora ya Kashambya omu disiturikiti ya Kakumiro.

Rose Birungi, orikujunaanizibwa n'eby'eitaka hamwe n'eby'okushuganisa abantu naagira ngu nka EACOP baine obujunaanizibwa bw'okwongerera ahari ebyo ebi baashangire abantu nibakora.

Irene Baguma, Ojwekiire mukuru wa EACOP naagira ngu ebikwato ebi bahaire abeegi n’akamanyiso akarikworeka ngu nibakunda entunguuka n’okutunguura emiturire yaabo.

Omukoro ogu gubaire omu gomborora ya Kashambya omu disiturikiti ya Kakumiro.

Samuel Mugisa, Ojwekiire Mukuru w'ekitongore ky'eby'amajuta ekya Petroleum Authority of Uganda naashaba abatungire ebikwato ebi obutabiguza kureka babikorese kwetunguura omubiro bya nyensya.

Mugisa nashoboorora ngu emirimo y'okutiimba amajuta eriyo negyenda omumaisho kandi ngu gavumenti egyerizeho okuhikiiriza ebibaraganiise abakwatsirwe omudumo gw’amajuta omu mwaka gwa 2019.

Nashaba abantu okukwatanisa hamwe bakarwanisa abajungu abari omuhururu z'okuremesa eby'okwiha amajuta ga Uganda okuzimu.

RDC wa Kakumiro, Rtd. David Matovu naagira ngu ngu ebintu ebi nibeija kuhwera abaishiki n’aboojo.

Matovu ahigire eminyeto obutapapa n'ensi kandi batikiriiriza omu bantu abarikubakoresa okurwanisa eby'okutimba amajuta.

Matovu ahigire eminyeto obutapapa n'ensi kandi batikiriiriza omu bantu abarikubakoresa okurwanisa eby'okutimba amajuta.

 #WestUpdates