Brig. Gen. Ssebugwawo ayongyeire yaarabura abanya-Uganda ahanjura nyingi erikuteekateekwa kwija kugwa omu kwezi kwa 10 omwaka ogu. Photo by Thomas Tumwebaze.

N’ebya Thomas Tumwebaze

Kampala

Ofiisi y’enganzi y’eihanga etandikireho emyanya 11 okwetooroora eihanga ryona egyendereire okurwanisa ebigwererezi eyetsirwe District Emergence Coordination and Operation centers.

Ebi bigambirwe Brig. Gen. Eugene Ssebugwawo Ssenkumba, Omushugaanisa w’ekitongore ekya National Emergence Coordination and Operation Centre omu ofiisi ye erikushangwa aha ofiisi z’enganzi y’eihanga enkuru omu rurembo Kampala. 

Okugamba ebi n’obu abaire naabuganaho abeebembezi b’ekigombe ekya Western Uganda Humanitarian Platform ekirikukora aha bigwererezi omu myanya erikutuurwamu empungi n’abantu ba buriijo.

Brig. Gen. Eugene Ssebugwawo Ssenkumba, Omushugaanisa w’ekitongore ekya National Emergence Coordination and Operation Centre. Photo by Thomas Tumwebaze.

Ekigombe ekya Western Uganda Humanitarian Platform nikigaita ebitongore 46 omu eihanga kandi nikikorera omuri Burengyerwa-Izooba obwo kirikwebemberwa na World Voices Uganda ekitongore ekitari kya gavumenti ekirikushangwa omu disiturikiti eya Kagadi.

Okurugiirira aha kigombe eki, nibarwanirira okuhisya obuheereza bw’aho n’aho ahabantu abarikuba bateirwe ebigwererezi omuri Burengerwa-Izooba omu shaaha 24.

Aba nibenda gavumenti eteho oburyo kureeba ngu baataho emiringo erikubaasa kuhwera abantu abarikuba bari omu kabi nk’empungi nainga abantu aba buriijo.

Brendah T Namande, omukuru kuruga omu kitongore ekya Labor and Consumer Advocacy, naagira ngu batwire nibahwera abantu abarikuba bari omu bigwererezi baitu nibenda na gavumenti eteho emiringo endiijo ey’okuhisya abanya-Uganda obuheereza.

John Baptist Byaruhanga, Omushugaanisa w’ekitongore ekya Western Uganda Humanitarian Platform naagira ngu omuri Kyaka II refugee settlement honka, abaana abarikurenga 11,000 nibo batungire enda batakahikize emyaka 18 omu mwaka 2022 kandi naagira ngu eki nakyo n’ekigwererezi ekirikwetenga omukono gwa gavumenti.

Byaruhanga naagira ngu haaba hatagizire ekyakorwa, abaana aba hamwe n’abandi babaasa kwija kuremwa okushoma ekirikwija kushiisha nyensya yaabo.

Brig. Gen. Eugene Ssebugwawo Ssenkumba, Omushugaanisa w’ekitongore ekya National Emergence Coordination and operation center naagira ngu gavumenti yaaherize kutaho emyanya 11 okwetooroora eihanga nk’omuringo gumwe ogw’okurwanisa ebigwererezi.

Aba nibenda gavumenti eteho oburyo kureeba ngu baataho emiringo erikubaasa kuhwera abantu abarikuba bari omu kabi nk’empungi nainga abantu aba buriijo.

Emyanya egi eri omuri za disiturikiti nka; Kasese, Kabaale, Nakasongola, Namayingo, Amuru, Adjumani, Moroto Bukedea, Kwen, Bududa na Butaleja.

Brig. Gen. Ssebugwawo ayongyeire yaarabura abanya-Uganda ahanjura nyingi erikuteekateekwa kwija kugwa omu kwezi kwa 10 omwaka ogu.

#WestUpdates