Purezidenti nabwi arabwire eminyeeto okwerinda omuze gw’okutaahirira eby’obuhangwa. PPU Photos.

N’ebya Beth Akatukunda

SOROTI

Purezidenti Yoweri Kaguta Museveni agarukire yashaba eminyeeto okurwanisa obushomankuzi kurabira omu mihanda ehikire.

Purezidenti agambire ebi nyomwebazyo aha mukoro gw’okujaguza ekiro ky’eminyeeto eky’ensi yoona ekya International Youth Day ogubaire ah’eitendekyero erya Soroti Core Primary Teachers' College, omu disiturikiti eya Soroti.

Purezidenti nabwi arabwire eminyeeto okwerinda omuze gw’okutaahirira eby’obuhangwa.

Ekiro ky’eminyeeto eky’ensi yoona nikikuzibwa buri mwaka ebiro 12 okwa munana kandi kikateebwaho kubaasa kuganiira ahanshonga z’eminyeeto n’okusiima emirimo ekozirwe eminyeeto.

Purezidenti Museveni agarukire yahamiza abanya-Uganda ngu obushomankuzi bwanguhi eirwanisa habaho okukorera hamwe.

Purezidenti nabwo ashabire eminyeeto n’abanya-Uganda boona okutwariza hamwe okwejumbira omu puroguraamu ya boona bashome omu mashomero ga gavumenti.

Okurugiirira ahari Purezidenti Museveni, abanya-Uganda bangire kuta omunkora puroguraamu egi kandi obwo yakubaire nehwera eihanga ryoona.

Aharubaju orundi, Museveni ahabwire abaana abakirikushoma okukorera hamwe n’abazaire baabo omu bwire bw’ebihuumuro ahabw’okwenda kugira entaasya ehamire.

Purezidenti nabwi arabwire eminyeeto okwerinda omuze gw’okutaahirira eby’obuhangwa.

Agarukire yasiima abantu b’omu kyanga ekya Teso ahabw’okurwanisa obworo kurabira omu buhingi oburikurugamu esente.

Minisita w’ekikura ky’abantu, Betty Amongi amanyiise Purezidenti ngu emikoro y’ekiro ky’eminyeeto ey’omwaka ogu eyecumintiriize munonga aha kubangura eminyeeto omu myoga etari emwe eyakubaasa kubahwera kwetandikiraho emirimo eyaabo.

Omu bigambo bye, Minisita w’eihanga ow’enshonga z’eminyeeto n’abaana, Balaam Barugahara ahamiize eminyeeto ngu gavumenti eriyo nekora ekirikubasika kyona kureeba ngu yarwanisa ekizibu ky’eibura ry’emirimo omu eihanga.

#WestUpdates