Ababaire bari abahekyera aba bakacungurwa kuruga omu kyanga ekya Burugwa-Izooba bw’eihanga erya Democratic Republic of Congo bwanyima y’omuhiigo gwa Shujja ogwakozirwe omuri DRC.

N’ebya John Odyek 

Gavumenti kurabira omu kakiiko aka Amnesty Commission esaasiire ababaire bari abahekyera 75 ba Allied Democratic Forces abatwire aha kuhuumurizibwa n’okubagarura omu buteeka.

Ababaire bari abahekyera aba bakacungurwa kuruga omu kyanga ekya Burugwa-Izooba bw’eihanga erya Democratic Republic of Congo bwanyima y’omuhiigo gwa Shujja ogwakozirwe omuri DRC.

Aba barimu abanya-Uganda 24, aba Congo 24, enzaarwa za Burundi 2 hamwe n’omu Tanzania 1.

Omugambirizi w’amahe ga UPDF, Brig. Gen. Felix Kulayigye aharwakataani asiimire ekitongore ekya Bridgeway Foundation ahabw’okukwatanisa na Uganda kureeba ngu ababaireho abahekyera ba ADF baheebwa omugisha gw’okutuura amagara masya n’okutuura omu Busingye.

Kulayigye naagira ngu bwanyima y’okuhuumuriza abantu aba, ababaire bari abahekyera ba ADF nibeija kushagikwa kureeba ngu batuura amagara marungi kurabira omu kubabangura omu myoga etari emwe.

#WestUpdates