Omukozi w’omwishiki w’omuka akwatsirwe ahabw’okufa kw’ondiijo mukozi- Fort Portal.

Omukozi w’omwishiki w’omuka akwatsirwe ahabw’okufa kw’ondiijo mukozi- Fort Portal.

N’ebya John Masaba 

Pooriisi omuri Fort Portal etongoizeho okucondooza ahaku omukozi w’emirimo ya riija-riija w’emyaka 24 afiiremu.

Ismael Kabuye, omutuura wa Fort Portal omu disiturikiti eya Kabarole naagambwa kuba afiire ahabw’obuhuta obu atungire omutwe wiiki ehwaire.

Omugambirizi wa Pooriisi, Fred Enanga naagira ngu bakwatsire omwishiki w’emyaka 16, obaire nakora nk’omukozi w’omuka, obu ekikorwa eki kibaireho.

Ebiriho obwa hati kuruga omu kucondooza nibyoreka ngu omwishiki ogu ou amaziina gye gatagambirwe abaire ariyo naata omuriro ahasimu omu kishengye kye nikwo Kabuye kumushangamu atyo akenda kubyama nawe kifuba nikwo kumusindika omutwe akaguteera aha rwigi rw’ekyoma akahendera ahutaire omu mutwe.

Enanga nashoborora ngu n’obu Kabuye atwairwe omu irwariro kutunga okuragurirwa beitu aizire yaafa bwanyima y’ebiro 2 aherize kuhutaara omu mutwe.
Naagira ngu okucondooza kuriyo nikugyenda omu maisho.

#WestUpdates