Aba Al Shabab abatahirire enkambi yeitu nibaija kwefuza – Purezidenti Museveni

Aba Al Shabab abatahirire enkambi yeitu nibaija kwefuza – Purezidenti Museveni

N’ebya PPU

Purezidenti Yoweri Museveni arugireyo yagamba ahakutahirira kw’abahekyera ba Al Shabab ahankambi y’amahe ga UPDF omuri Somalia.

Purezidenti Museveni naagira ngu nk’ahari shaaha 11 burikutagurikana Orwakataano, abahekyera ba Al Shabab bakatahirira enkambi ya UPDF ahari Bulo-Mareer omuri Somalia, ahi amahe ga UPDF gatwire nigakora kwiha 2007.

Purezidenti nakyoreka ngu amahe aga gaine amaani beitu babaire barinzirwe ebirwaniso bitaine maani.

Nikigambwa ngu abahekyera aba abarikurenga omu 800 bakoreise bomo kuteera enkambi ahi baingi bafiire kandi bakwatsire bamwe ahabaserukare.

Kurugiirira ahari Mukuru w’eihanga, Omuduumizi w’amahe ga UPDF, atooraine akakiiko akagire Somalia nyomwabazyo kushwijuma omunshonga egi n’okumanya abaserukare abeitsirwe. 

Purezidenti nashaasha n’eihanga hamwe n’amaka agafeereirwe. Beitu hoona naagira ngu amahe agari Somalia n’agandi mahanga gari ahamurimo gw’okurinda abantu kutari kwihayo esente nk’okutunga obusiimo bwa UN.

Purezidenti yaagira ngu abahekyera ba Al Shabab nibeija kwefuza kandi bakorweho ahabw’okutahirira enkambi ya UPDF.

#WestUpdates