Sipiika w'eishengyero, Anita Among n'omuhwezi we, Thomas Tayebwa bari n'akakiiko omukushwijuma IGP omusya na Abbas Byakagaba n'omuhwezi we James Ocaya. PHOTO: Umar Kashaka

N’ebya Umaru Kashaka 

Oherize kuheebwa obwa mukuru wa poorisi ya Uganda, Abbas Byakagaba hamwe n’omuhwezi we, James Ocaya, eriizooba baashwijumwa akakiiko k’eishengyero akarikujunaanizibwa eby’okuha abantu emirimo.

Buri omwe yareebekaho omumaisho g’akakiiko aka, akaaba kakuriirwe Sipiika w’eishengyero, Anita Among, omukasheeshe eriizooba Orwakana ebiro 23.05.2024, kushwijumwa ku baraabe nibabaasa kukora emirimo egi.

Ahi twaza kukuhikizaho amakuru aga, ebyaba omukushwijuma oku byaba bitakamanyirwe kurungi, kwonka nibabaasa kuba baahamibwa.

Omwe, atakabeire mukuru wa poorisi ninga omuhwezi wa mukuru wa poorisi, nibabanza baashwijumwa akakiiko  kandi ku barikushangwa nibabaasa, nibateera ekirahiro ky’okutandika emirimo yaabo.

Byakagaba, owaabeire yaahumwire omurimo gw’omuhwezi wa mukuru wa poorisi, ebiro 17.05.2024 akaheebwa omurimo gwa mukuru wa poorisi kuza omubigyere bya Martins Okoth Ochola, owaahuumwire emirimo ye.

 Museveni kandi hoona nabwo akaha Ocaya omurimo, kandi hati ogwa omuhwezi wa mukuru wa poorisi kandi orikukurira eby’okucondooza. Ogu naaza omubigyere bya Maj. Gen. Geoffrey Katsigazi, ou endagaano ye na poorisi erikuhwayo okwezi oku.

#WestUpdates
#RadioWestAt25