Siipika Among ahaireyo Sh100m ahabasiraamu ba Bugweri.

N’ebya Moses Bikala

BUGWERI

Siipika wa Paramenti, Anita Among ahaireho omuganda gwa shiringi miriyooni 100 nk’omuntu aha kwombeka ekitebe kikuru ky’obusiraamu omu disiturikiti eya Bugweri.

Ahaireyo omuganda ogu nyomwebazyo ebiro 04/04/2024 obu abaire ari aha kuziika Puriida Ramathan Waiswa pmu kyaro ekya Butende omu gomborora eya Ibulanku omu disiturikiti ya Bugweri.

Waiswa, nazaarwa n’omuny’ishengyero w’eishaza erya Bugweri, Abdul Katuntu kandi afeereire omuri butandu ebaire omu kyaro kya Akodet aharuguuto orwa Pallisa-Kumi omu shaaha z’akasheeshe.

Waiswa asiigire omukazi omwe n’abaana 3 kandi naagambwa kuba abaire nagaruka Kampala arikuruga omu koooti enkuru eya Soroti.

Siipika Among araganiise kuheereza omurimo muk’omugyenzi, Hailat Mutesi aha Paramenti kutandiika na wiiki erikwija kubaasa kureberera abaana be 3 bwanyima y’okufa kw’eishebo.

Siipika ashabire abanyabutegyeki okwetantara okujwanzya enshonga z’eby’obutegyeki n’emikoro y’okuziika beitu bagume bategyereze obwire bw’akaruuru buhike reero abantu babe nibo basharamu.

#WestUpdates