Mwesigye nashaba ab’obushoborozi n’abatuura omu byanga bitari bimwe okwangira kimwe obushomankuzi n’oburi bwenguzi, abantu kuza kutuunga obuheereza burungi. Photos by Muhaburane Levi.

N’ebya Muhaburane Levi

MBARARA

RCC w’orurembo orwa Mbarara, Lt. Col. James Mwesigye nayenda za gavumenti z’ebyanga okufayo kureeba ngu barwanisa obushomankuzi n’oburi bwenguzi, abantu baaza kutuunga obuhereza burungi.

Mwesigye ahaireyo okushaba oku nyomwebazyo Orwakabiri 07/05/2024 obu abaire n’abakozi ba gavumenti n’abeebembezi kuruga omu minisiture y’enshonga za Kampala n’emyanya egiheeriire ababaire baizire omururembo rwa Mbarara omu rutaayaayo rw’okwega ahari puraaningi y’entunguuka y’orurembo.

Mwesigye nashaba ab’obushoborozi n’abatuura omu byanga bitari bimwe okwangira kimwe obushomankuzi n’oburi bwenguzi, abantu kuza kutuunga obuheereza burungi.

RCC ahaire eky’okureeberaho ky’akatare aka Mbarara Central Market arikukyoreka ngu abashuubuzi bakaba nibaza kurugiramu aho kurinogira ngu abeebembezi b’orurembo tibararugireyo obu abanyabutegyeki n’abashuubuzi abandi babaire nibenda kwegaruriza emidaara n’obuju omu katare aka bwanyima y’okuheza kwombekwa.

Mwesigye nashaba ab’obushoborozi n’abatuura omu byanga bitari bimwe okwangira kimwe obushomankuzi n’oburi bwenguzi, abantu kuza kutuunga obuheereza burungi.

Omu bigambo bye, Eng. George Bwanga, obaire ayebembiire tiimu y’abakuru aba kuruga Kampala naagira ngu okutaayaaya kwabo nikwija kubahwera omu puraaningi yaabo y’orurembo.

#WestUpdates