NewVision Reporter 
Purezidenti yashohoza ekihandiiko aha bahekyera abataahiriire Kamwenge.
N’ebya Omushaki weitu
Purezidenti Yoweri Museveni yajumirira abahekyera ababaire baine embundu n’emihoro abaitsirwe abantu 10 omu disiturikiti ya Kamwenge omu kiro ky’orw’okubanza.
Okurugiirira ahari Purezidenti, abaitsirwe 10 babaire barinzire emisiri yaabo obutaribwa enkyende ezirikuruga omu kibiira kya Kibaale kandi abanda ababaire nibaruga kunywa amaarwa.
Museveni naagira ngu abahekyera ba ADF bashangire abantu aba omu kabaara k’omu kyaro kimwe omu muruka gwa Kyabandara omu disiturikiti eya Kamwenge.
Naagira ngu omwishiki muto abaasize kutoroka aha bainazi aba. Abantu baingi babaire nibabaasa kuhona kurinogira ngu babaire bashomesiibwe aha ku baine kutwazamu baheza kutaahiriirwa abaitsi aba.
Purezidenti Museveni naagira ngu abahekyera 4 ba ADF abaitsirwe abantu omuri Kamwenge ni bamwe ahari guruupu y’abantu 10 eya Njovu-Kamusu abataahire omu Uganda kuruga Congo omurundi gwa kabiri, wiiki nkye ezihingwire.
Aba bakaba bagarukire omuri Congo beitu hati bagarukire omu Uganda. Abahekyera 4 aba ni bamwe ahari guruupu eyitsire abaana b’eishomero erya Nyabugaando School, abarambuzi 2 na dureeva waabo oteireho n’okwosya emotoka y’obutunguru.
Babiri ahari bakaitirwa aha maizi g’omu Nyanja ya Lake Edwarad obwo barikwitwa abasrukare b’aha maizi kandi omwebembezi waabo, Njovu akatunga obuhuta yakwatwa kandi kooti yaherize kumutaho emishango.
Nka wiiki emwe ehingwire, ba komando b’ekitongore ekya CMI hamwe SFC bataahirira guruupu y’abantu 3 ahari gurupu egyo eya Njovu abarimu Kamusu owabaire ogiire omu mwanya gwa Njovu nk’omwebembezi wa guruupu.
Kamusu akateerwa amasasi n’obuturabe tutakareebire omutumbi gwe. Endiijo mitumba 2 n’embundu zaabo ekasigwaho abahekyera aha mwanya gumwe.
Ahabw’abahekyera kuguma nibaruga Congo bakataahirira abanya-Uganda, Purezidenti Museveni yaragiira amahe ga UPDF gagaruzeho ekitongoree ekyaba LDU omu myanya nka Queen Elizabeth National Parks, ekibira kya Kibaale, ebibira by’omuri Kyenjojo na Kagadi, eirindiro ry’enyamaishwa erya Semuliki National Park na Bwindi National Park.
Purezidenti nabwo yakyoreka ngu omu kasheeshe k’eriizooba, abeebembezi b’abahekyera omuri Congo kiromita 80 kuruga ahansharo bataahirirwa kandi ebirarugye omu kutaahirira oku nitwija kubibamanyisa.
Purezidenti nabwo yaragiira State House Comptroller (SHC) okwoheereza obushagiki bw’esente aha maka agafeereirwe abakundwa baabo omuri Kamwenge hamwe n’omwishiki obaasize kutoroka aha bahekyera oizire akagambira abatuura ngu abahekyera bataahirira ekicweka kyabo.
Okurugiirira aha kihandiiko eki Purezidenti yashohoza, omuny’ishengyero-kazi wa Kamwenge naija kukwatanisa na State House Comptroller kureeba ngu amaka ago batunga obuhwezi obu.
Abahekyera 4 aba abu Purezidenti yayeta empunu yagira ngu nibeija kushashura ebikorwa byabo eby’okwita abantu baaba batarugireyo bakehayo omu gavumenti kandi bakarangiirira ku baruga omu buhekyera
#WestUpdates
