Okukuza ekiro ky’obushegu bw’embwa...(Photo by Fatimah Naggudi)

N’ebya Nagudi Fatumah 

Kasese:

Eriizooba, Uganda yayegaita aha mahanga agandi okukuza ekiro ky’obushegu bw’embwa ekya ‘World Rabies Day’ ekirikubaho ebiro 28 Okwamwenda buri mwaka.

Omwaka ogu, omukoro gwakorerwa ahari Rwenzori square omu disiturikiti eya Kasese kandi gushagikirwe ebitongore nka ekya USAID, National Drug Authority (NDA), Red Cross n’ebindi.

Okukuza ekiro ky’obushegu bw’embwa...(Photo by Fatimah Naggudi)

Ekiro eki kigyendereire okureeba ngu okujanjaara kw’oburweire bw’obushegu bw’embwa n’enjangu bwahwaho ahabw’okuba nibubi munonga, kuburikukwata omuntu nibumwita kwihaho omuntu yaaba agyemirwe.

Okukuza ekiro ky’obushegu bw’embwa...(Photo by Fatimah Naggudi)

Ekitongore ekya National Drugs Authority bakwataniise n'obusinga bwa Rwenzururu okureebeka ngu bayehanangiriza abantu okutwara enyamaishwa zaabo kugyemebwa kandi namunonga kureebuka ngu embwa n’enjangu zagyemwa kumaraho obushegu.

Okukuza ekiro ky’obushegu bw’embwa...(Photo by Fatimah Naggudi)

Omugyenyi mukuru w'omukoro ogu ni Minisita w’eihanga ow’eby’amakuru, Baluku Godfrey Kabyanga.

#WestUpdates