Minisita w'enshonga z'omunda, Gen. Kahinda Otafiire arikuta ekimuri aha shanduukye erimu omutumbi gwa Col. Jack Mucunguzi.

N’ebya Nelson Kiva

Eriizooba haabaho okwiinamira n’okushabira omubiri gwa Col. Jack Mucunguzi, omwe ahabarwanire orwa Kabamba ahari All Saints Cathedral, Nakasero.

Bamwe aha bahikire aha kushabira omugyenzi Col. Jack Mucunguzi.

Mucunguzi, 66, aitsirwe ekookoro y’ekiine ah’eirwariro erya Nakasero aha Sunday.

Okushaba oku kwahikwaho abakuru omu gavumenti aharimu ba minisita nka Jim Muhwezi, Maj. Gen. Kahinda Otafiire, Gen. David Muhoozi na David Bahati.

Minisita Kahinda, Owabaireho Minisita Sam Kuteesa na John Nasasira n'abandi abahikire aha kushabira omugyenzi Col. Mucunguzi.

Abandi ni Minisita w’enshonga z’aheeru y’eihanga, Sam Kutesa, owabaireho minisita w’eby’enguuto, Eng. John Nasasira, Gen.Henry Tumukunde, abakuru omumahe nka Sam Kavuma n’abandi bakuru.

Minisita Jim Muhwezi, Minisita David Bahati n'abandi aha kushabira omugyenzi Col. Jack Mucunguzi.

Mucunguzi yaagambwaho nk’warwaanire eihanga rye, nk’obaire nakunda abaana kandi omunyabwengye.

Omugyenzi col. Jack Mucunguzi.

Harriet Mucunguzi, muk’omugyenzi yagamba ahari iba nk’obaire ari omuntu murungi, oine embabazi kandi omunyamazima.

Hoona yaasiima Purezidenti Museveni ahabw’okubakwatiraho kuyamanyire ngu abaire arwaire.

Jim Muhwezi owajwekyera Purezidenti Museveni na gavumenti, yaagira ngu abaire ari munywani we kandi omwe ahabwarwaniire eihanga.

Yashaba abanya Uganda kumureeberaho baaba nibakorera Uganda.

Mucunguzi naziikwa eriizooba omu maka ge Biharwe, omu rurembo orwa Mbarara.

#WestUpdates