Owoyesigyire naagira ngu tiimu y’aba Pooriisi kuruga omu kitongore ekya Crime Intelligence n’ekya CID bakwateire Alex Adei omu mwanya ogu abaire ayesherekiremu.

N’ebya Omushaki weitu

KAMPALA

Omu Pooriisi w’ekitongore kya Pooriisi ekirikurwanisa ebikorwa by’obuhekyera akwatsirwe ahabw’okugambwa kuba ateire omukazi we amasasi akamwita.

Luke Owoyesigyire, Omuhwezi w’omugambirizi wa Pooriisi ya Kampala nagamba omugyenzi nka Barbara Apia orikugambwa kuba ateirwe amasasi omushaija we Alex Adei aha Sande ebiro 29.09.2024.

Owoyesigyire naagira ngu tiimu y’aba Pooriisi kuruga omu kitongore ekya Crime Intelligence n’ekya CID bakwateire Alex Adei omu mwanya ogu abaire ayesherekiremu.

Okurugiirira ahari Pooriisi, Adei atorokire omuri Naguru Police Barracks n’embundu ei arikuteekateekwa kuba akoriise omu kwita omukazi we ahabw’enshonga z’emihondano y’omu maka.

Omukucaaka omwanya ogu omukazi ogu aitiirweho nyomwebazyo Orw’okubanza, Pooriisi nabwo ezoire omutumbi gw’omushaija ondaijo ogushangirwe omu kaju haihi n’omwanya ogwo. 

Okurugiirira ahari Owoyesigyire, nibateekateeka ngu amasasi agu Adei ateire kwita omukazi gabaasa kuba gakwatsire n’omushaija ogu oshangirwe omukaju ke afiire haihi n’omwanya ogu omukazi ogu aitiirweho.

Owoyesigyire nayongyeraho ngu omu Pooriisi yaherize kuteebwaho omushango gw’obwitsi aha Pooriisi eya Jinja Road.

#WestUpdates