Kituuma Rusoke, omugambirizi wa Poorisi. PHOTO: Mpalanyi Ssentongo
N'ebya Umar Kashaka
Poorisi yaakwata omubazi mukuru w’ebitabo omukitongore ky’eby’empiiha, Lawrence Semakula, hamwe n’abandi bakungu ahabw’okuteekateekwaho kuba baine akakwate n’okubura kw’empiiha za Banka ya Uganda ezirikwingana sh 60bn.
Aba baakwatwa eriizooba 04.02.2025 bwanyima y’okubuuzibwa kana-na-kataano ahakitebe ekikuru ekya ba mbega omurubaju orw’okucondooza emishango orwa poorisi omuri Kibuli Kampala.
“Ninyenda kuhamya ku eriizooba, abantu 9 baakwatwa abaserikare baitu,” Rusoke Kituuma, omugambirizi wa poorisi nikwo yaagira.
“Nimwijuka ngu tutwire nitukoraho okucondooza ahabuhumbi bw’empiiha obwabuzire omukishobobo kandi amakuru aga gatwire nigarabamu.
Obu tubaire nitucondooza, twetsire abakungu 9 kuruga omukitongore ky’eby’esente ninga shi Ministry of Finance [Planning & Economic Development]. Kandi obwa hati tubaine omumikono ya poorisi,” nikwo yaayongyeraho.
Banka ya Uganda, banka enkuru ey’eihanga erikujunaanizibwa eby’empiiha omu ihanga, neekora emirimo yaayo erikukwatanisa munonga n’ekitongore ky’eby’esente. Omurimo gwayo omukuru n’okureebeka ngu emihendo terikutera-teruka kandi n’enkora y’eby’esente yaaguma eri omubuteeka
#WestUpdates