Obwitsi; Omu pooriisi yateera amasasi owa UPDF yamwita - Mbarara

Obwitsi; Omu pooriisi yateera amasasi owa UPDF yamwita - Mbarara

N’ebya Fred Turyakira

Omu pooriisi owaamanywa nka Opio Charles orikukora na FFU omuri Mbarara omwabazyo ogu yateera amasasi kandi yaita Yeremiah Paper, omuserukare wa UPDF obaire naakora na Ruhengyere Engineerig Brigade omu disiturikiti ya Kiruhura.

Kurugiirira aha muduumizi wa pooriisi ya Mbarara, SP Bwambale Emmanuel, Opio yateera amasasi Yeremiah omu barracks z’ekihome kya Mbarara ahashungaine na Bank of Uganda bwanyima y’okutunga obutaikirizana nawe ahabw'omukazi.

Pooriisi yaahika ahamwanya ogu nikwo kukwata Opio okwateirwe aha pooriisi enkuru eya Mbarara kandi embundu ei yaakoresa yakwatwa nka kimwe ahabirikworeka obuhame bw'omushango.

Omubiri gw’omugyenzi gwatwarwa omukabafu ah’eirwariro erya Mbarara Regional Referral kukyeberwa obwo okucondooza kurikugumizamu.

#WestUpdates