Rev. Baguma naija kuziikwa nyencakare Orwakabiri ebiro 03.12.2024 omu makagye Katooke Mukole. File Photo.

N’ebya Ibrahim Ruhweza

Omukama wa Toro, Oyo Nyimba Kabamba Iguru Rukidi IV ayinamiire omugyenzi wa Rev. Can. Richard Baguma, obaire ari omuntu mukuru omu bukama ofiire wiiki ehwaire.

Arikurabira aha mukura gwe gwa X, Omukama Oyo agambire ahamugyenzi Baguma nk’omushaija owayehiireyo akaakora obutaruha kureeba ngu Obukama bwa Toro bwatunguuka.

Omukama Oyo naagira ngu Rev. Can. Baguma Adyeeri akahayo amagara gye goona yakorera obukama bwa Toro kandi akaakora omwoga muhango omu kurinda obuhangwa bw’obukama. 

Oyo nayongyeraho ngu ebi Rev. Baguma yakozire nibyija kuguma nibijukwa obutwire bwona.

Rev. Baguma aitsirwe endwara y’ekookoro y’omumiro aharwakana ebiro 28.11.2024 kandi asigire ekitiinisa ky’okurinda n’okutunguura obuhangwa bwa Toro eki abantu baragume nibamwijukiraho.

Omugyenzi akazaara abaana 10, babiri baafa kandi 8 bakihuriire. Rev. Baguma asigire omukazi omwe w’emyaka 83, Mary Baguma.

Rev. Baguma naija kuziikwa nyencakare Orwakabiri ebiro 03.12.2024 omu makagye Katooke Mukole.

#WestUpdates