Ekikaari ky'omukama wa Tooro ekya Karuziika. PHOTOs: Sunday Rogers.

N’ebya Rogers Sunday

FORT-PORTAL

Ekikaari ky’omukama wa Tooro ahari Karuziika omuri Fort Portal obwahati n’obutandibata harikukorerwamu ebintu bingi aha bunaku obu barikuburayo ebiro mbarwa kuhika aha kiro ky’omurundi gwa 28 barikwijuka okwemekwa kw’omukama, Oyo Nyimba Kabamba Iguru okumanywa omu by’obuhangwa bwaba Tooro nka Empango. 

Obwahati enteebekanisa zoona ez’okugaruza busya enju z’eby’obuhangwa n’ekikaari biriyo nibigumizamu.

Emirimo y’okwimusya amahema amahango munonga agariije kushutamwamu abagyenyi nayo eriyo negumizamu omu kwetegurira omukoro gw’amaani aharwakabiri nyencakare.

Kamwe aha buju bw'eby'obuhangwa bwa Tooro oburiyo nibugaruzibwa busya. Photo by Sunday Rogers.

Mukuru w’oruganda rwaba Tooro, Charles Kamurasi naagira ngu byoona byatebekanisiibwe ahabw’omukoro gw’amaani nyencakare. 

Naagira ngu emirimo ey’amaani yoona n’enteebekanisa ez’amaani ebyo byahwire.

Omukoro ogwo ogw’eby’obuhangwa obutoosha gutwara ebiro 3, ekiro ky’okubanza nikitandika eriizooba n’okworeka Omukama ebikwato by’obukama kubihasiirira. 

Ekiro kya kabiri ky’emikoro egyo n’ekimanywa nk’ekirunga kya Tooro kandi ekiro ekya kashatu haza eky’ahamuheeru kuhendera emikoro n’okushutama kwa kooti y’obukama omu kikaari kandi egyo neba ekuriirwe Omukama w’enyini atajwekyeirwe.

#WestUpdates