Omukama wa Tooro yaahindura kabineti

Omukama wa Tooro yaahindura kabineti

N’ebya Rogers Sunday

Omukama wa Tooro, Oyo Nyimba Kabamba Iguru, eihangwe eri yaatoorana kabineti nsya yaba memba 24 obwo arikunaga ba minisita abamwe.

Amaziina g’abeebembezi abasya abatooranwa gashomwa Omuhikirwa w’Obukama, Stephen Kiyingi.

Bamwe ahabatooranwa harimu William Kwemara Ngabu owatooranwa nk’omuhwezi wa omuhikirwa ahabw’eby’entaasya.

Abandi harimu Patrick Bamanyisa Black ahabw’eby’amakuru, Patrick Kamulindwa ahabw’eminyeeto, Joseph Musana ow’eby’okwerinda, Alfred Tumukugize ahabw’enshonga z’ekikaari ky’Omukama na Brian Kaita Mugisa nka Minisita wa gavumenti z’ekyanga.

Omubigambo bye, Omukama Oyo yashaba abantu ba Tooro kwejunisa enjura eriho ebiro ebi kuhinga ebyokurya n’okubyara emiti kubaasa kurinda eby’obuhangwa.

Hoona yaaragiira Omuhikirwa kureeba ngu obukiiko bw’obukama bwakora gye.

Omukama Oyo yaagira ngu oruganda rwa ‘Abagaya’ nibaija kwebembera emikoro ya Empango erikujaguzibwa buri biro 12/9 ebya buri mwaka.

#WestUpdates