Omukazi aitsire ow’emyaka 3 ou ari muk’ishe yamunaga omukamina.

N’ebya Omushaki weitu

KYANKWANZI

Omukazi omu gomborora eya Kilyanongo omu disiturikiti eya Kyankwanzi ahonire okwitwa ekikunga musisa ky’abantu abamujunanire okugambwa kuba aitsire omuhara w’emyaka 3 ou ari muk’ishe akamunaga omu kamina.

Kasfa Nabakooza akwatsirwe abatuura ababaire baine ekiniga kingi barikwenda kumwita barikumutura okwita omwana w’omwishiki w’emyaka 3 ou ari muk’ishe.

Safina Nakafeero, nyina w’omwana oitsirwe naagira ngu omwana we abaire arigye omu kasheeshe k’orwakana ebiro 12.09.2024 beitu ngu agwire kihuumura bwanyima y’okutunga esimu kuruga omu batuura ngu omwana we bamushanga omu kamina afiire.

Ceeyamaani w’ekyaro ekya Kilyanongo, Lawrence Balyaki naagira ngu Nabakooza aizire kucungurwa abeebembezi b’ekicweka ekyo abamwihire aha batuura barikwenda kumwita.

Balyaki nahabura abazaire obutoosha kuguma nibafayo kumanya emihanda y’abaana baabo barikuba nibazamu.

Racheal Kawala, Omugambirizi wa Pooriisi ahabw'ekyanga ekya Wamala, naagira ngu okucondooza kuriyo nikugyenda omu maisho.

#WestUpdates