Omuny’ishengyero nayenda ekishaayi kya Kakyeka kizaanirwemu eya AFCON.

N’ebya Umar Kashaka

MBARARA

Omuny’ishengyero owa Mbarara City North, Dr. Robert Rukaari Mwesigwa ashabire ngu ekishaayi kya Kakyeka omuri Mbarara nakyo kizaanirwemu emizaano ey’empaka z’ekikopo ky’amahanga aga AFCON ez’omwaka 2027.

“Nyomwebazyo omu Paramenti, nshabire ngu ekishaayi ekya Kakyeka kiteekateekweho omu kuzaanirwamu emizaano ya AFCON eya 2027,”Omuny’ishengyero, nabwo ori ceeyamaani w’akakiiko k’abashuubuzi omu kigombe ekiri omu bwebembezi arikurabira aha mukura gwe gwa Twitter ahabiro 03/10/2023.

 “Naagira ngu Kakyeka kuzaanirwamu emizaano ya AFCON kibaasa kugaita hamwe abahagizi b’omupiira kuruga omuri bukizi bwa bumosha bw’eihanga erya Tanzania, Rwanda na Burundi omu kuhagira omupiira,” Rukaari arikwongyera kushoborora.

Ekigombe ekirikukurira omuzaano gw’ebigyere omuri Africa ekya Confederaion of African Football (CAF), kiheerize kwikiriza okushaba kw’amahanga ga East Africa agarimu Uganda, Kenya na Tanzania okw’okutaayaayisa empaka z’ekikopo ky’amahanga ga Africa ahabw’omwaka 2027.

Aba basingire abandi ababaire nibashaba abarimu; South Africa, Zambia, Botswana na Senegal. 

#WestUpdates