Judith Kyarisiima, 52, nagambwa kuba abuzire kuruga omu maka ge agarikushangwa omuri Katete omu rurembo rwa Mbarara. Courtesy Photo.

N’ebya Omushaki weitu

MBARARA

Pooriisi omu disiturikiti eya Mbarara yatandika kuhiiga omuzaarisa-kazi ah’eirwariro erihango erya Mbarara orikugambwa kuba abuzire. 

Judith Kyarisiima, 52, nagambwa kuba abuzire kuruga omu maka ge agarikushangwa omuri Katete omu rurembo rwa Mbarara. 

Samson Kasasira, Omugambirizi wa Pooriisi ahabw’ekyanga ekya Rwizi yahamya amakuru g’okubura kwa Kyarisiima kandi yagira ngu ab’obushoborozi bariyo nibareeba omunshonga egi.

Halson Kagure, Omugambirizi w’eirwariro erihango erya Mbarara naagira ngu Kyarisiima otwire nakurira dipatimenti y’abakazi b’enda n’abaana abazaarwa aheereruka kureebwa ah’eirwariro ebiro 28.08.2024.

Nikigambwa ngu omushaija wa Kyarisiima, omukozi w’omuka n’ow’eduuka y’emibazi baherize kukwatwa kubaasa kuhweraho Pooriisi omu kucondooza kwayo.

#WestUpdates