Thursday, May 29

Omushaija aitsirwe ahabw’okutaayaaya omu maka g’owabaire ari omukundwa we.

Omushaija aitsirwe ahabw’okutaayaaya omu maka g’owabaire ari omukundwa we.

N’ebya Omushaki weitu

APAC

Omushaija kuruga omu disiturikiti eya Kwania ogiire omu tauni ya Apac kujaguza omwaka omusya musya n’owabaire ari omukundwa we ahenderiire omu kabafu ekiro ekikuratsireho bwanyima y’okugambwa kuba ateirwe iba w’omukazi ogwo.

Amakuru nigagira ngu Ambrose Ekwaro, 25, omutuura w’omu kyaro kya Lwala "B" omu woodi ya Western omu tauni kanso ya Inomo abaire agiire kutaayaayira owabaire ari omukundwa we, Monica Awidi owashwirwe omushaija ondiijo.

Ekwaro naagambwa kuba kuba agiire omu maka agu Awidi yashwirwemu ahari 01/01/2024 shaaha nka 2:30 z’ekiro kandi agambire iba w’omukazi ogwo ngu n’omuramu.

Solomon Okello, iba wa Awidi beitu hoona atandikire kubusabusa omushaija ogwo nikwo kuteerera abazaire ba Awidi kubabuuza yaaba Ekwaro n’omuramu.

Abazaire ba Awidi baagambiire iba ngu Ekwaro ti muramu okwihaho akaba ari omukundwa wa muhara waabo (Awidi) ekinyigize Okello akatandika kuteera Ekwaro arikumubinga kifuba omu maka gye.

Omugambirizi wa Pooriisi ahabw’ekyanga ekya North Kyoga, Patrick Jimmy Okema ahamize amakuru arikugira ngu Ekwaro atungire obuhuta kandi aizire yayirukangizibwa ah’eirwariro kutunga okuragurirwa ahi afeeriire ebiro 02/01/2024.

Nyakuteekateekwaho akwatsirwe aha mushango gw’okuteeraho kwita oguhandikirwe aha Pooriisi ya Apac beitu obwa hati bamuteireho omushango gw’obwitsi.

Okema naagira ngu faayiro y’omushango ogu eriyo neteebekanisibwa kutwarwa ow’omutonganirizi mukuru wa gavumenti kandi nyakuteekateekwaho naija kutwarwa omu kooti ajunaanwe.

“Omutumbi gw’omugyenzi gutwirwe omu kabafu ah’eirwariro erua Apac kukyeberwa,” Okema arikushoborora.

#WestUpdates

NewVision Reporter

Reporter

At NewVision

Read Previous

Omushaija aitsirwe ahabw’okutaayaaya omu maka g’owabaire ari omukundwa we.

Read Next

Omushaija aitsirwe ahabw’okutaayaaya omu maka g’owabaire ari omukundwa we.