Omushaija abuzire bwanyima y’okutema omukazi we akamwita- Apac.

N’ebya Hudson Apunyo

APAC

Pooriisi omu disiturikiti eya Apac eriyo nehiiga omushaija orikugambwa kuba atemire omukazi w’abaana 2 akafa.

Nikigambwa ngu Hassan Heza, omutuura w’omu kyaro kya Acholi omu gomborora eya Akokoro omu disiturikiti eya Apac aharwakataano atemire omukazi we, Santare Similimana, 30, yamwita. 

Eki kizireho bwanyima y’ebiro 2, omwojo w’emyaka 15 aherize kwita ishe omu gomborora eya Ibuje omu disiturikiti eya Apac.

Omugambirizi wa Pooriisi ahabw’ekyanga ekya North Kyoga, Patrick Jimmy Okema, Similimana akabugana omushaija we omuri Arua kandi babaire baine abaana 2 omwojo n’omwishiki.

Ababiri aba na bwanyima bakaija baaza omuri Apaa omu disiturikiti eya Amuru kandi abantu ku babaire nibabingwa ah’eitaka erya Apaa eririho obuteikirizana, baaza omu kyaro ekya Acholi Inn.

Bwanyima y’akaire kakye, Okema naagira ngu abakundaine bagizireho obuteikirizana ekyabarugiriiremu okutaana. Omushaija akuratiire omukazi we beitu baremirwe kugarukana.

Aharwakataano ebiro 05/01/2024 shaaha nka 9 z’omwabazyo, nyakuteekateekwaho ashabire omukazi we n’omutabani kugyenda nawe kutema emiti y’okwosya amakara.

Okema naagira ng ku bahikire omu kishaka, nyakuteekateekwaho yagambira omukazi we n'omutabani ngu ekyabaho kyahwa. Naagambwa kuba ayihireyo omusyo akatandika kutema omukazi we beitu omutabani abaasize kumuruga omungaro nikwo kuza kumanyisaho baariraanwa ekyabaho.

Abantu ku baizire kureeba ekyabahp, bashanga omukazi abyami omu kyagaana ky’eshagama kandi omushaija abaire atakiriho yabuzire.

Okema naagira ngu omutumbi gutwirwe kukyeberwa kandi guhairwe abanyabuzaare be kuguziika obwo okucondooza kurikugyenda omu maisho.

#WestUpdates