Omushaija asindiikirwe aharumanda ahabw’okwenda kwita omukundwa we.

N’ebya Omushaki weitu

SOROTI

Kooti omuri Soroti esindiikire aha rumanda omushaija w’emyaka 29 orikujunaanwa okuteeraho kwita omukundwa we.

John Peter Opolot, Omuvugi wa boda kandi omutuura wa Usuk Cell omuri Soroti City East Division naagambwa kuba ayetsire omukundwa we Goretti Ajiko kumushanga omu kishengye kye kumureebaho. 

Ku ahikire omu kishengye, Opolot akwatsire Ajiko yatandika kumuteera enyondo aha mutwe, omukifuba, omu mugongo n’omu bicweka bye by’ekihama nikwo kumusiga niguhara eitaka.

Nikigambwa ngu Opolot akashashurira omukundwa we (Goretti Ajiko) tuition y’okushoma “course” y’okubaziira ekiharaani beitu ng uku yaherize kushoma, omwishiki naagambwa kuba yasigireho omushaija ogu.

Omuramuzi wa kooti ya Soroti, Hilda Bakanansa Walaga asindiikire Opolot aha rumanda kuhisya ebiro 16.12.2024 obu arikwija kugaruka omu kooti kuhurira omushango gwe.

#WestUpdates