Omwana ogu naagira ngu bamwokize ekibunu n’engaro ahabw’okugamba kuba ayegaburiire eby’oburya ataine rusa. Photos by Ruth Nassaazi.

N’ebya Ruth Nassaazi

BUKOMANSIMBI

Omwana w’omwojo w’emyaka 6 ariyo naragurirwa obuhuta omu kiriniki omu disiturikiti eya Bukomansimbi omu kyanga ekya Masaka empango.

Abashaho ah’eirwariro erya Mukama Afaayo Medical Clinic naagira ngu bagyerizeho kuragurira omwana ogu kureeba ngu embeera yateerera beitu embeeray’omwana ogu terikubaasa kukorerwaho ah’eirwariro eri.

"Nayetenga abashaho,” Bernard Kiiba, omushaho aha kiriniki egi erikushangwa omu tauni kanso ya Kigangazi.

“Abakundaine aba bookize ekibunu ky’omwana kandi obwa hati, omwana ogu atandikire kujunda ebicweka ebimwe eby’omubiri n’okunuuka kubi. Tarikubaasa kuza omu kamina kandi eibondo rye rizimbire.

Abashaho aha kiriniki egi bacwairemu kwoheereza omwana ogu ah’eirwariro erihango erya Mbarara kwongyera kutunga okuragurirwa.

Omwana ogu amanyirwe nka; Frank Kakooza, ow’omu kyaro ekya Kyaziiza omu gomborora eya Bukango.

Kakooza otakubaasa na kugamba, najunaana nyina Margaret Nantongo hamwe na iba wa nyina otari ishe, Badru Kamya, 27, ahabw’okukwatanisa bakamuteera n’okuutuuntuza.

Omwana ogu naagira ngu bamwokize ekibunu n’engaro ahabw’okugamba kuba ayegaburiire eby’oburya ataine rusa.

Kakooza naagira ngu Badru Kamya akoriise ekyoma kirikwosya kumwosya.

Kakooza naagira ngu abazaire be batwire batarikumuheereza eby’okurya. Tikimanyirwe kurungi kumara bwire ki.

Bwanyima y’abatuura b’omu kicweka eki kureeba embeera ei omwana abaire arimu, bamanyiiseho abeebembezi b’ekyaro eki abaizire bakamanyisa Pooriisi.

Pooriisi eizire yakwata abakundaine aba kandi kubahikire aha Pooriisi, buri omwe yatandiika kujunaana mutaahi okutuuntuza omwana ogu.

RDC wa Bukomansimbi, Fred Kalema naagira ngu okucondooza kuriyo nikugyenda omu maisho kandi naraganisa ngu abazaire b’omwana ogu nibeija kutwarwa omu kooti bajunaanwe.

#WestUpdates