Samson Kasasira, Omugambirizi wa Pooriisi ahabw’ekyanga ekya Rwizi naagamba omwegi ogwire omu mugyera nka Jordan Balimwikungu, 17.

N’ebya Beth Akatukunda

MBARARA- Pooriisi omu kyanga ekya Rwizi eriyo neronda omutumbi gw’omwegi w’eishomero erya Mbarara Secondary School aha omuri Mbarara ogwire omu mugyera gwa Rwizi.

Samson Kasasira, Omugambirizi wa Pooriisi ahabw’ekyanga ekya Rwizi naagamba omwegi ogwire omu mugyera nka Jordan Balimwikungu, 17. 

Balimwikungu, omutuura wa Kiswahili Cell omuri Kakoba omu rurembo rwa Mbarara agwire omu mugyera ahari Katete Beach obaire agiire kuziba (swimming) ebiro 08/04/2024.

Ekitongore ekirikuraaza omuriro kirahukire kuhika aha mwanya kandi kitandikire kuronda omutumbi gw’omwegi ogu kandi na hati tigukabonekire.

Kasasira naagira ngu okuronda omutumbi gwa Balimwikungu nikugumizamu okwo okucondooza kumanya ekimurugiirireho okugwa omu mugyera gwa Rwizi kurikugyenda omu maisho.

#WestUpdates