Oruteerane rw’ebigyendererwa by’entunguuka orurikwija kutwara ebiro 3 rwatandika omuri Mbarara.

Oruteerane rw’ebigyendererwa by’entunguuka orurikwija kutwara ebiro 3 rwatandika omuri Mbarara.

N’ebya Annita Matsika

Oruteerane oru rutebeekanisiibwe ofiisi y’enganzi y’eihanga, ekigombe ekirikukurira ebitongore ebitari bya gavumenti omu Uganda hamwe na Minisiture y’enshonga z’aheeru n’ekigyendererwa ky’okuhikiiriza ebigyendererwa by'entunguuka omukutuurana kw'abantu, eby'entaasya hamwe n'embeera y'obwire ahabitwehinguririize nari shi zeete Sustainable Development Goals omumwaka 2030 omu Uganda.

Eriizooba, baasiiba nibabyara emiti omu rurembo rwa Mbarara nka kimwe ahabigyendererwa bya SDG eky’okurinda eby’obuhangwa.

Arikutongozaho oruteerane oru, Omuhwezi wa RCC ahabwa Mbarara City North, Kanusu Robert, yaagira ngu oruteerane oru rwaijaho omu bwire obu abantu baine kumanya enteekateeka y’okureetaho entunguuka, eby’obwegyese, eby’entaasya omu eihanga.

Omuhwezi wa Meeya, Murongo Priska yaashaba abantu omukyanga ekya Burengyerwa-eizooba kwejumba omu mworeko ogu ahabw’okuba n’obujunaanizibwa bwa buri omwe kuhikiiriza ebirooto ebi.

Orikukurira eby’okureebuza n’okucencura omu ofiisi y’enganzi y’eihanga, Pascal Byarugaba yaagira ngu omworeko ogu gurimu okubyara emiti, eishengyero ry’abantu, omupiira n’orukiiko rw’abukirikukwataho omukyanga.

#WestUpdates