Micheal Khamale na David Wakuma bareebukireho omu kooti ya Manafwa aharwakatano kandi basindikirwe aha rumanda kuhisya ebiro 26.08.2024 bwanyima y’okwehakana emishango egi.

N’ebya Micheal Odeng

Manafwa

Ow’omuruka gwa Bunangubu na ceeyamaani wa Bunangubu PDM SACCO omu disiturikiti eya Manafwa bakwatsirwe ahabw’okugambwa kuba baihire esente aha baine kutunga esenta za PDM.

Aba obwa hati bakomiirwe omu kihome kya gavumenti ekya Bubulo ahabw’okwiha esente aha baine kutunga eza PDM barikubaraganisa kubahwera kutunga esente ezo.

Micheal Khamale na David Wakuma bareebukireho omu kooti ya Manafwa aharwakatano kandi basindikirwe aha rumanda kuhisya ebiro 26.08.2024 bwanyima y’okwehakana emishango egi.

Khamale na Wakuma n’abandi abakiburize ahagati y’okwezi kwa 2 n’okwa 7, 2024 omu muruka ogwa Bunangabu omu disiturikiti eya Manafwa nibagambwa kuba bashabire kandi bakarundaana esente nyingi kuruga aha bantu 100 aba Bunangabu PDM SACCO barikubaraganisa kubatungira esente za PDM.

Okurugiirira aha bacondooza kuruga omu kitongore ekirikurwanisa obushomankuzi ekya State House Anti-Corruption Units, abarikujunaanwa bagagumizamu nayiba esente ezimwe kuruga aha bantu abo. 

Abacondooza nibongyeraho ngu zimwe aha sente ezi banyakujunaanwa bayibire zibaasize kuzoorwa.

Purezidenti Yoweri Kaguta Museveni akatongozaho puroguraamu ya PDM omu kwezi kwa 2, 2022 n’ekigyendererwa ky’okuhwera abantu kuruga omu bworo.

Omu mwaka gw’eby’esente ogwa 2022/2023, gavumenti ekaheereza shiringi miriyooni buri muruka aha miruka 10,594 eri omu eihanga kuhweraho abanya-Uganda kwejumbira omu buhingi obwa sente.

#WestUpdates