Pooriisi necondooza okwitwa kw’omukozi w’aha majuta aha Northern Bypass

N’ebya Stuart Yiga

Pooriisi etandikire kucondooza omu by’okwitwa kw’omukozi w’omukazi w’aha eicundiro ry’amajuta omanyirwe nka Rose Tumushabe, 25.

Omugambirizi wa Pooriisi ya Kampala n’emyanya egiheriire, Patrick Onyango, naagira ngu omugyenzi niwe abaire nagura ebintu by’eicundiro ry’amajuta erya Oryx fuel station omuri Kiwatule kandi omutuura w’omu kyaro kya Kazinga omu divijoni ya Nakawa omuri Kampala.

Naagira ngu omugyenzi abaire akozire ekiro kandi ataahiriirwe abainazi abatakamanyirwe haihi n’aha Northern Bypass omu kasheeshe k’orw’okubanza.

Omutumbi gwa Rose Tumushabe, omukozi w'aha eicundiro ry'amajuta erya Oryx fuel station omuri Kiwatule, gurikuza kuziikwa.

 “Twine amatsiko mingi ngu nitwija kukwata abari enyima y’okwita Tumushabe barikwejunisa za kamera eza CCTV cameras eziri haihi n’omwanya ahi omwishiki ogu aitiirwe,” Onyango arikushoborora omu kihandiiko eki ashohoize omu mwabazyo gw’orw’okubanza.

Naagira ngu okucondooza omu nshonga egi kuriyo nikugyenda omu maisho.

Marvin Kabalega, omushaija w’omukazi oitsirwe naagira ngu omukazi we nibwo abaire aheerize kutunga omurimo ogu kandi abaire yakorayo wiiki 3 zonka.

“Ku ntungire amakuru aga, twamwirukangiza omuri Mulago ahi afeereire na bwanyima nikwo kwiguraho omushango aha Pooriisi ya Kiwatule aha namba SD: 30/17/07/2023.

#WestUpdates