Abarikuteekateekwaho kwita Kagezi kugaruka omu kooti nyencakare.

N’ebya Michael Odeng

Abashaija 4 abarikujunaanwa okwita owabaire nakora nk’omuhwezi wa mukuru w’abahababi ba gavumenti, Joan Namazzi Kagezi, nibagaruka omu kooti nyencakare Orw’okubanza kubaasa kumanya ahi okucondooza omu mushango ogu kwahika.
Kagezi kateerwa amasasi omu motoka ye omu mwabazyo gw’ebiro 30/03/2015 omuri Kiwatule, Kampala.

Abainazi abaitsire Kagezi bakamutamburiraho kandi bakaija bamuteera amasasi Yamara kwemereza emotoka kuza kugura ebijuma omuri Kiwatule.

Kuruga obwo, okucondooza kutwire nikugyenda omu maisho okuhisya wiiki 2 ezihingwire obu ab’eby’okwerinda bakwataniise na ofiisi y’omutonganiirizi mukuru wa gavumenti, bakwatsire banyakuteekateekwaho.

Bwanyima y’okukwata abarikuteekateekwaho, Purezidenti Yoweri Museveni akagira ngu aba bakaba nibatamburira ahari za piki 2 kandi akasiima ekitongore ky’eby’okwerinda ekya Internal Security Organisation (ISO) hamwe n’ekya CID ahabw’omurimo murunga ogubakozire.

Ekitongore ekya ISO nikyebemberwa Col. Charles Oloka, kandi ekya CID nikyebemberwa AIGP Tom Magambo.

Abarikujunaanwa barimu; Daniel Kisekka, 43, John Kibuuka a.k.a Musa, 32, John Masajjage a.k.a Brian Mubiru a.k.a Chongo, 50, na Nasur Abdallah Mugonole, 39.

Kooti ehererukire kushutama, omuramuzi wa kooti ya Nakawa, Elias Kakooza read out akataho omushango gw’obuhekyera n’ogw’obwitsi ahari banyakujunaanwa. 

Omuntu yaheza kusingwa emishango egi naba naheebwa ekifubiro ekirikukirayo eky’okwitwa.

Beitu hoona, omuramuzi ayangire abarikujunaanwa kugira ekibagamba aha mishango egi arikugira ngu emishango yaabo n’ey’amaani kandi nehurirwa omu kooti enkuru.

Omuhwezi w’omutonganiirizi mukuru wa gavumenti, Thomas Jatiko hamwe na Lilian Omara bamanyiise kooti ngu okucondooza omu nshonga egi kurihakye kuhwa.

Obuhababi nibugira ngu abashaija 4 n’abandi abakibuzire aha biro 30/03/2023 omuri Kiwatule, Nakawa Divijoni omuri Kampala bakateera Kagezi amasasi bamwita.

#WestUpdates