Ku akwatsirwe, Ddamulira agizire ngu obuhanga bw’emitwe y’abantu obu abaire nabutunga kuruga ahari munywani we obaire namushashuza shiringi 100,000 buri kahanga. PHOTOs by Stuart Yiga.

N’ebya Stuart Yiga

KAMPALA

Pooriisi omuri Kampala ezoire obuhanga 40 obw’emitwe y’abantu kuruga omu ndaaro y'abafumu omuri Rubaga Divijoni omu rurembo Kampala.

Bumwe aha buhanga bw'emitwe y'abantu obuzoirwe kuruga omu ndaaro y'abafumu eya Ddamulira.

Eki kizireho bwanyima y’obwire bwa wiiki 2, obuhanga 17 obw’emitwe y’abantu buherize kuzoorwa kuruga omundaaro endaijo ey'abafumu eya Bbosa Tabula Lujja, nyakuteekateekwaho omukuru omu kwita Mukuru w’ekika kya Endiga omu kyaro ekya Kabanga omu tauni kanso ya Mpigi omu disiturikiti eya Mpigi.

Ssalongo Karim Walyabira, kuruga omu kigombe ky’abashaho b’ekiraguju ekya National Traditional Healers and herbalist Association agambiire TV West ngu baatungire amakuru ngu Godfrey Ddamulira atwire nayejumbira omu kukora emishango omundaaro ye ei arikukoreramu emirimo y’obufumu.

Ssalongo Karim Walyabira, kuruga omu kigombe ky’abashaho b’ekiraguju ekya National Traditional Healers and herbalist Association.

“Kumperize kutunga amakuru aga, nkwataniise na Pooriisi ya Nateete kandi tuhikire nituza omundaaro y'abafumu eya Ddamulira ei arikukoreramu obufumu ahi tushangire obuhanga 40 bw’emitwe y’abantu n’agandi magufa agateekatekirwe kuba ag’abantu,” Walyabira arikushoborora.

Godfrey Ddamulira, oshangirwe n'obuhanga bw'emitwe y'abantu arikutwarwa aha Pooriisi aharw'okubanza ebiro 26.08.2024.

Okucondooza okwahikireho nikworeka ngu Ddamulira oine abakazi 3 n’abaana 11 natuura omu kyaro kya Mateete omu disiturikiti eya Ssembabule kandi akaija yafuruka yaza Busega emyaka 20 ehingwire.

Ku akwatsirwe, Ddamulira agizire ngu obuhanga bw’emitwe y’abantu obu abaire nabutunga kuruga ahari munywani we obaire namushashuza shiringi 100,000 buri kahanga.

Gamwe aha magufa g'abantu agashangirwe omundaaro y'abafumu eya Ddamulira.

Ddamulira areemireho ngu ba agenti be bakiiha obuhanga obu bwona omuri Busoga. Beitu hoona, bamwe omu bacondooza nibagira ngu obuhanga obwingi obushangirwe na Ddamulira bubaire buriho amazina g’abantu abarikuteekateekwa kuba baitsirwe abarikuteekateekwa kuba babaire nibaruga omu kyanga ekya Central.

Ahi twaza kuhandiikira amakuru aga, Pooriisi yaaba etwire nyakuteekateekwaho (Ddamulira) omu maka gye omuri Kitemu kukora okucondooza okundi obwo barikuhiga obaire namupangisa James Kirumira kurikugyenda omu maisho.

#WestUpdates