Purezidenti Yoweri Museveni kubuganaho abashuubuzi eriizooba ahari Kololo.

N’ebya Beth Akatukunda

KOLOLO

Purezidenti Yoweri Museveni nateekateekwa kubuganaho abashuubuzi b’omu Uganda eriizooba Orwakabiri ebiro 07/05/2024 obwo arikutaho oburyo bw’okugonjoora ebizibu ebirikuteganisa emirimo yaabo.

Okwezi okuhwaire, abashuubuzi okukira na munonga ab’omuri Kampala bakakingaho za bizinesi zaabo kumara wiki barikwesharingira enkora ensya ey’okurundaana omushoro eya EFRIS. 

Abashuubuzi bakiija kwiguraho amaduuka gaabo bwanyima y’abeebembezi baabo kubugana Purezidenti Yoweri Museveni.

Omu rukiiko rwabo, abashuubuzi baketomboita ahabw’enkora ensya eya EFRIS, okubihaho omushoro mwingi hamwe n’ebishare by’omushoro gwa VAT kuba eby’ahaiguru.

Omukugarukamu aha nshonga egi, Purezidenti Museveni akaraganisa kwija kubuganaho abashuubuzi boona eriizooba kubaasa kugarukamu gye enshonga zaabo bwanyima y’okwebuuza aha bakuru kuruga omu minisiture y’eby’esente n’ey’eby’obushuubuzi.

Minisita w’eihanga ow’eby’esente, Henry Musasizi nyomwebazyo agambiire Paramenti ngu enshonga ezaahiirweyo abashuubuzi nizeija kugarukwamu Purezidenti eriizooba, omu rukiiko orwaragireho n’abashuubuzi aha kishaayi Kololo omuri Kampala.

#Westupdates