Purezidenti Museveni abugaineho ba yinvesita kuruga Egypt aha maka g'obwa Purezidenti, Entebbe. PPU Photos.

N’ebya Beth Akatukunda

ENTEBBE

Purezidenti Yoweri Kaguta Museveni nyomwebazyo abugaineho guruupu y’abanyamyoga omu by’entunguuka (Investors) kuruga omu eihanga erya Egypt aha maka g’obwa Purezidenti omuri Entebbe.

Guruupu egi ebaire eyebembiirwe H.E Dato Arshad Mahmood, ceeyamaani w’ekitongore ky’eby’amakorero ekya International Investment Consortium Inc.

Museveni agizire ngu gavumenti ya Uganda eyehiireyo kureeba yakora ekirikubaasika kyona kureeba ngu ebirikwetengwa omu kutunguura eby’obushuubuzi omuri enguuto, amashanyarazi hamwe n’amaizi byakorwaho.

Ekitongore eki kiri aha rurengo rw’ensi yoona kandi nikita esente omu by’obushuubuzi n’amakorero n’ekigyendererwa ky’okutunguura eby’entaasya y’amahanga omu nsi yoona.

Omu rukiiko oru, Purezidenti Museveni ayakiire abagyenyi be kandi ahamisiririze enshonga y’okukwatanisa omu birikureetera za bizinesi zakura hamwe n’okutunguura omutindo gw’enguuto, engaari z’omwika hamwe n'amaizi.

Purezidenti Museveni ayongiire yahamiza abanyamyoga omu by’entunguuka kuruga Egypt ahanteebekanisa z’eby’obushuubuzi n’okukwatanisa n’amahanga gatari gamwe omuri China, ekigombe ky’amahanga ga Buraaya hamwe United Arab Emirates.

Guruupu egi ebaire eyebembiirwe H.E Dato Arshad Mahmood, ceeyamaani w’ekitongore ky’eby’amakorero ekya International Investment Consortium Inc.

Museveni agizire ngu gavumenti ya Uganda eyehiireyo kureeba yakora ekirikubaasika kyona kureeba ngu ebirikwetengwa omu kutunguura eby’obushuubuzi omuri enguuto, amashanyarazi hamwe n’amaizi byakorwaho.

Purezidenti ahigire abagyenyi be okuta esente omu by’okwongyera omutindo omu bintu bitari bimwe ebirimu omwani, ebijuma, amate, eby’amakorera n’eby’obugaiga bw’omu eitaka ebirikwija kureetera eihanga ryatunguuka.

Omu kugarukamu aha nshonga ezi, H.E Dato asiimire obwebembezi bwa Purezidenti Museveni kandi araganiise okwehayo kwab’abanyamyoga omu by’entunguuka kureeba bagira kihango ekibakora omu kutunguura eby’entaasya ya Uganda.

Orukiiko oru rwetabirwemu minisita w’eihanga ow’eby’amakorero, Evelyne Anite.

#WestUpdates