Omubazi gw’endwara y’ejwa ogwaretsirwe omu Uganda nigwingana dozi 10,000,000 (10 million dozes). Courtesy Photos.

N’ebya Omushaki weitu

Uganda etungire ebikwato ebi erikwija kukoresa omukukora omubazi gw’endwara y’ejwa eya Foot and Mouth disease omu eihanga.

Ebikwato ebi bihairweyo eihanga erya Egypt kandi byakiirwe Brig. Gen. Dan Kakono ojwekiire Mukuru w’amahe g’eihanga Gen. Muhoozi Kainerugaba aha kishaayi ky’enyonyi ekya Entebbe nyomwebazyo ebiro 04.12.2024.

Ebikwato ebi ebirugire Cairo nabwo biziireho omubazi ogundi ogw’endwara y’ejwa ogu Uganda eguzire na Sh1.5m kuruga Egypt.

Abandi bantu bakuru abahikire aha kishaayi ky’enyonyi ekya Entebbe kwakiira omubazi ogu barimu, minisita w’eihanga ow’eby’obuhingi, Fred Bwino Kyakulaga obaire ayebembiire tiimu kuruga omu minisiture.

Ebikwato ebi bihairweyo eihanga erya Egypt kandi byakiirwe Brig. Gen. Dan Kakono ojwekiire Mukuru w’amahe g’eihanga Gen. Muhoozi Kainerugaba aha kishaayi ky’enyonyi ekya Entebbe nyomwebazyo ebiro 04.12.2024.

Ekihandiiko ekishohoziibwe ofiisi ya mukuru w’amahe g’eihanga nikyoreka ngu n’omurundi gwa kana, omubazi gw’endwara y’ejwa kuruga Egypt kureetwa omu Uganda. 

Omubazi ogw’okubanza kukareetwa omu kwezi kwa 5, okwa 7 hamwe n’okwa 11 omwaka ogu. 

Omubazi gw’endwara y’ejwa ogwaretsirwe omu Uganda nigwingana dozi 10,000,000 (10 million dozes).

Okubarukaho kw’endwara y’ejwa kukareetera hateebwaho ‘quarantine’ omuri za disiturikiti 32 omu Uganda ekyateeganiise entaasya y’abariisa. 

Za disiturikiti ezateirweho ‘quarantine’ zirimu; Luwero, Gomba, Isingiro, Kazo, Kiruhura, Ntungamo, Lyantonde, Ssembabule n’ezindi.

Ahabw’okwenda kurwanisa endwara egi omu matungo, ministure y’eby’obuhingi n’oburiisa ekataho emihingo ahakutambuza amatungo n’ebirikuruga omu matungo oteireho n’okukinga obutare bw’amatungo omuri za disiturikiti ezirimu endwara egi.

#WestUpdates