Purezidenti Yoweri Museveni abugaineho kandi yagiraho ebiganiiro n’abajwekyerwa kuruga Italy aha State House, Entebbe. Photo credit: PPU.

N’ebya Omushaki weitu

Purezidenti Yoweri Kaguta Museveni abugaineho kandi yagiraho ebiganiiro n’abajwekyerwa kuruga omu eihanga erya Italy aha maka g’obwa Purezidenti, Entebbe.

Aba babaire beebembiirwe Mario Savona, omuhwezi wa mukuru w’ekitongore ekya Mission and chargè d’affaires ad interim of Italy in Uganda.

Purezidenti Museveni arikubuganaho abajwekyerwa kuruga omuri Italy aha maka g’obwa Purezidenti, Entebbe.

Omu rukiiko oru, orubaireho nyomwebazyo Orwakana, Savona amanyiise Purezidenti Museveni ngu Purezidenti w’akakiiko k’aba Minisita omusya, Giorgia Meloni nayenda kugaruzaho omukago n’enkwatanisa ahagati ya Italy n’amahanga ga Africa.

Bamwe omu bajwekyerwa kuruga omu eihanga erya Italy barikubuganaho Purezidenti Museveni aha State House, Entebbe aharwakana ebiro 23/11/2023.

Savona amanyiise Purezidenti Museveni ngu Italy eyehiireyo kushagika Uganda kureeba ngu yayongyera omutindo omu bihingwa byabo kurabira omu kukoresa tekinologiya y’eby’obuhingi ey’omurembe.

Omu bigambo bye, Museveni ashabire abanya-myoga omu by’entunguuka kuruga omuri Italy kwija bakashuburira omu Uganda hamwe n’okugumyaho enkwatanisa nungi ahagati y’amahanga aga 2.

Purezidenti Yoweri Museveni ( omusaati erikwera) arikuteeza ekishushani n'abajwekyerwa kuruga Italy bwanyima y'okugiraho ekiganiiro aha State House, Entebbe.

#WestUpdates