Purezidenti ahairwe ekirabo eki nyomwebazyo orw’okubanza enganzi y’eihanga, Robinah Nabbanja aha maka g’obwa Purezidenti Entebbe. Photos by PPU.

N’ebya Omushaki weitu

ENTEBBE

Purezidenti Yoweri Museveni asimiirwe akakiiko ak’ekigombe ky’amahanga ga Buraaya ahanshonga za Africa na Middle East (ECAM) akamuhaire ekirabo ky’okukirayo kutunguura emiturire y’abantu n’entaasya ekya Social and Economic Commitment Award.

Purezidenti ahairwe ekirabo eki nyomwebazyo orw’okubanza enganzi y’eihanga, Robinah Nabbanja aha maka g’obwa Purezidenti Entebbe.

Wiiki ehwaire, Nabbanja akaihayo ekirabo eki omu eiziina rya Purezidenti Museveni omu ruteerane orubaire omuri Rome, Italy.

Nabbanj agizire ngu Purezidenti Museveni asiimirwe ekigombe ekya ECAM ahabw’okuba omwebembezi w’omutaano omu kutunguura emiturire y’abantu na munonga aha nshonga y’okushagika empungi n’obuheereza bw’eby’amagara.

Ayongiire nakyoreka ngu okusiima Purezidenti Museveni ahabw’okutunguura emiturire y’abantu n’obujurizi oburikworeka ngu Uganda ebaasize kukora ebintu birungi ahansi y’obwebembezi bwe.

Oruteerane orumazire ebiro 2 rugyendeire aha mutwe ogurikugira ngu: Creating a Better Present and Building a Better Future Together for Africa.

#WestUpdates