Purezidenti Museveni ari aha faamu ya Rwakitura n'abaijukuru ebiro 26.12.2023

PPU
Purezidenti Yoweri Museveni, n’omukazi we kandi ori Minisita w’eby’obwegyese n’emizaano, Hon Janet Museveni, bajagwize ekiro kya Noohiri omumaka gaabo ag’omukyaro omuri Rwakitura omu disiturikiti ya Kiruhura. 
Aba basiibire hamwe obwo Purezidenti n’omukazi we barikutebeekanisa kyamushana nungi, ebaire eriho abaana baabo, Omw. n’Omukyara Edwin Karugire n’Omw. n’Omukyara Odrek Rwabwogo hamwe n’abaijukuru.

Purezidenti Museveni ari aha faamu ya Rwakitura n'abaijukuru ebiro 26.12.2023. PHOTO: PPU0

Kwongyera kushemeza eizooba, Purezidenti Museveni atungireho akaire n’abaijukuru bari omu iriisizo  omuri Rwakitura yaabagaaniirira ahamuhendo gw’eby’enzaarwa bya Uganda, obwo arikukora n’emirimo ye y’eby’obwebembezi.
Okwehayo kwe kuha abaijukuru amakuru g’obunyakare n’eby’enzaarwa kureebirwe obu abaire nagaaniira n’abaijukuru arikubeegyesa kandi arikubaha n’obuhabuzi.
Okujaguza ekiro kikuru n’ab’eka ye omuri Rwakitura nikworeka okwehayo kwa Purezidenti omukutunguura obumwe omumaka hamwe n’okurinda ebyafaayo bya Uganda eby’eby’enzaarwa.

President Museveni ari aha faamu ya Rwakitura n'abaijukuru ebiro 26.12.2023. PHOTO: ppu

Arikugaaniiraho n’abanyamakuru omumaka g’obwa Purezidenti aga Entebbe Orwakataano ebiro 22.12.2023, Purezidenti akendeza abanya Uganda boona Noohiri enungi arikwenegyeza obumwe hamwe n’okwendezana.

#WestUpdates