Abashomesa abarikwegaitira ahansi y'ekigombe kyabo ekya UNATU barikutambura omu tauni ya Kabale Orwakabiri ebiro 10.12.2024. Photos by Job Namanya.

N’ebya Job Namanya

KABALE

Abeebembezi b’abashomesa kuruga omu byanga 178 omu eihanga batandiikire orukiiko rwabo orw’aburi mwaka orw’omurundi gwa 19.

Orukiiko oru orurikuza kumara ebiro 2 rutebeekanisiibwe ab’ekigombe ky’abashomesa ekya Uganda National Teachers Union (UNATU) ruriyo nirugyenda omu maisho omuri Kabale ahari Agaba Centre.

Abeebembezi b’abashomesa kuruga omu byanga 178 omu eihanga batandiikire orukiiko rwabo orw’aburi mwaka orw’omurundi gwa 19.

Philbert Baguma, omuhandiiki mukuru w’ekigombe ekya UNATU naagira ngu ekigyendererwa ky’orukiiko oru n’okugamba ahanshonga zitari zimwe ezirimu enshonga y’emishaaray’abashomesa n’ezindi.

Abashomesa kuruga omu bicweka bitari bimwe bya Bukizi bwa buryo Burengyerwa-Izooba bwa Uganda abetabire omu rukiiko rwabo orwa buri mwaka omuri Kabale.

Baguma naagira ngu okushashurwa esente nkye kibaremiise kweyongyerayo n’emishomo yaabo nk’oku gavumenti erikubashaba.

Nayoreka ngu okushaba kwa minisita w’eby’obwegyese n’emizaano, Janet Kataaha Museveni kuzibira abashomesa ba gavumenti kushomesa omu mashomero ag’abantu buntu tikirikubasika ahabw’okuba nabo nibaaba nibaronda oku barabeho.

Arinaitwe Rwakajara, orikujwekyera abakozi omu Paramenti kandi obaire ari omugyenyi mukuru ahabwire abashomesa okwejumbira omu by’obutegyeki baaba nibenda kuganyirwa omu by’obwebembezi.

Rwakajara nawe ajumiriire eky’okushashura abakozi emishaara etarikushushana kandi obwo barikukora emirimo niyo emwe.

Orukiiko oru rutebeekanisiiibwe ahansi y’omutwe "Valuing Teachers' Voices: Towards a New Social Contract for Education," n’ekigyendererwa ky’okuhwera abashomesa kutunguura eby’obwegyese obwo abashomesa barikutebwamu ekitiinisa.

#WestUpdates