Purezidenti Museveni yaasiibura King Mswati III n'omukazi we...(Photo by PPU)

N’ebya Omushaki Waitu

Purezidenti Yoweri Kaguta Museveni eriizooba yaasiibura Omugabe wa Eswatini, Owek. Mswati III oheerize ebiro 3 omu Uganda.

King Mswati III aizire omu Uganda aharwakashatu, 14/8/2024 bwanyima y’okwetwa Purezidenti Museveni.

Purezidenti Museveni yaasiibura King Mswati III n'omukazi we...(Photo by PPU)

Atakagyenzire, Mswati III owaba ashendekyereziibwe omukazi we, Queen Inkhosikati Make Lamashwama bataayaayiraho Purezidenti aha State House omuri Entebbe kandi abeebembezi bombi baagiraho orukiiko orwahikwamu abakuru omu Gavumenti z’amahanga gombi.

Purezidenti Museveni yaasiibura King Mswati III n'omukazi we...(Photo by PPU)

Omu rukiiko oru, Omugabe Mswati yamanyisa Purezidenti oku ataayaayireho Obukama bwa Busoga hamwe na fakitore y’emotoka eya Kiira.

Ogu yasiima Purezidenti ahabw’okureeba ngu amahe ga UPDF gakurira eby’okwombeka kampuni enkuru omu eihanga.

Purezidenti Museveni yaasiibura King Mswati III n'omukazi we...(Photo by PPU)

Mswati yaagira ngu eki nikimanyisa abaseruka aba Engineering Brigade baheeza kuhuumura, nibaguma baine omugasho muhango omubyanga byaabo.

Purezidenti Museveni yaasiibura King Mswati III n'omukazi we...(Photo by PPU)

Purezidenti Museveni yasiima omugyenyi we ahabw’okutaayaayira Uganda kandi yaraganiisa okutsindika tiimu omuri Eswatini kuhwera okutsimba camera z’eby’okwerinda, enshonga ei King Mswati III yaagira ngu kikiri ekizibu omuka.

#WestUpdates