Purezidenti Museveni yaayeeta CEC naba Minisita Kyankwanzi kweherera

N’ebya Angella Naturinda

Purezidenti Yoweri Museveni yaayeta ba Minisita hamwe n’akakiiko akakuru ak’ekibiina ekya NRM aka CEC kweherera ahari Kyankwanzi kumara wiiki emwe.

Okweherera oku okurikutandika aha Sunday, 30/6/2024 kugyendereire okushwijuma oku gavumenti ekozire hamwe n’enteekateeka ei Gavumenti eine kugarukamu ebizibu by’abanya Uganda.

Eki nikijaho omu bwire obu bariyo nibacondooza ahabushomankuzi omu Minisiture y’eby’esente na paramenti ahi bakwatsireho abany’eishengyero 5.

Okwetaho okweherera oku nikwijaho bwanyima y’ekiro kimwe ekitongore ekya UBOS kushohoza ebirugire omukubara abanya Uganda eizooba erya nyomwabazyo ahari Serena Hotel, ahi borekire ngu Uganda hati eine abantu miriyooni 45.

#WestUpdates
#RadioWestAt25