Tinubu kuraahizibwa nka Purezidenti wa Nigeria eriizooba.

Tinubu kuraahizibwa nka Purezidenti wa Nigeria eriizooba

N’ebya Omushaki weitu

Bola Tinubu, n’ow’okurahizibwa eriizooba nka Purezidenti omusya ow’eihanga rya Nigeria.

Tinubu ow’emyaka 71 naruga omu kigombe kimwe ky’eby’obutegyeki eki Purezidenti oriyo naruga omuntebe egyo Muhammadu Buhari arikuruga oriyo naza kuruga ahantebe egyo bwanyima y’okutegyeka encuro 2.

Tinubu akarangiirirwa nk’owasingire akaruuru k’obwa Purezidenti bwa Nigeria akateirwe ebiro 25/02/2023 obwo arikwihayo oburuuru burikurenga miriyooni 8.8.

Omwebembezi w’ekigombe ky’orubaju oruhakani, Atiku Abubak owabaire owa kabiri na Peter Obi, owabaire owa kashatu bakahakanisa ebyarugire omu karuuru aka omu kooti barikugira ngu akaruuru aka kakiibwa.

Akakiiko k’eby’oburuuru kakaikiriza ngu haine ebitaragyenzire gye omu kuteera akaruuru beitu kakahakanisa eky’okugira ngu akaruuru aka kakiibwa.

Tinubu naija kuba Purezidenti wa Nigeria omu bwire obu eihanga eri ririkuteganisiibwa eby’entaasya n’emihondano kweyongyera.

#WestUpdates