Owabaireho Omuhwezi w'omuhababi wa gavumenti, Joan Kagezi owaitsirwe omugwa 2015

Abaitsire Joan Kagezi tubakwatsire – Purezidenti Museveni

N’ebya Omushaki Waitu

Purezidenti Yoweri Museveni yahaamya ngu abantu abaine akakwate omukwita owabaireho omuhwezi w’omuhababi mukuru wa gavumenti, Joan Kagezi bakwatsirwe.

Abakwatsirwe harimu Kibuuka John, Masajjage John, Kisekka Dan na Nasur Abdalla kandi nibaija kutwarwa omu kooti.

Purezidenti Museveni yasiima ebitongore by’okwerinda ebirimu ISO na CID ahabw’omurimo ogu bakoozire kureebangu babaasa kukwata abainazi aba.

Eriizooba, Ofiiisi y’omuhababi mukuru wa gavumenti yaagira ngu abantu aba nibaija kuteebwaho emishango y’obuzahambuki hamwe n’obwitsi.

Joan Kagezi akateerwa amasasi yafeeraho ahabiro 30/3/2015 abantu ababaire nibatamburira ahari piki ibiri ahamuhanda omuri Kampala ahi yabaire ayemereize motoka ye kugura ebijuma.

Omukwakana 2022, Purezidenti Museveni akagira ngu gavumenti nemanya abaitsire Kagezi kandi bakaba nibatuura aheeru y’eihanga.

#WestUpdates