Omushaho arikukyebera omukazi Pressure aha kampu yaaba Rotary Club ey'okuragurira abantu ahabwa busha omuri Mukono. Photos by David Lukiiza.

N’ebya David Lukiiza 

MUKONO

Abantu barikurenga 1,000 ab’omuri Seeta Nazigo omu disiturikiti eya Mukono batungire okuragurirwa kwa busha omu kampu y’eby’amagara ey’eizooba rimwe etebeekanisiibwe aba Rotary eya Mukono Central.

Omutuura arikwepima oburemezi obu aine aha kampu y'eby'amagara omuri Mukono. Photo by David Lukiiza.

Okurugiirira ahari Purezidenti waabo, Moses Kafeeroo- aba Rotary Club bacwiremu kutza ah’eirwariro erya Seeta Nazigo Health Centre III omu disiturikiti eya Mukono aharwamukaaga n’ekigyendererwa ky’okukyebera n’okuragurira abantu endwara ezitarikuturira ahabwa busha.

Zimwe omu ndwara ezikyebiirwe harimu; omushwija, ekookoro, shukaari, okushanyarara omubiri (Stroke), okukyebera amaisho n’amatu omu baana bato n’abakuru.

Omushaho arikukyebera omurwaire amatu omu kampu y'eby'amagara omuri Mukono. Photo by David Lukiiza

Kafeero naagira ngu kampu egi ebaire egyenderiire kuhwera abantu kutunga obuheereza bw’eby’amagara obw’omutindo n’okumanya oku amagara gaabo gemeriiremu.

Kafeero naagira ngu omu hururu egi, abahangu omu by’amagara bashomiise abakazi b'enda n’abarikwonsya aha kubaine kwonsya abaana baabo n’okureeba ngu baguma baine amagara marungi.

Abatuura abahikire aha kampu y'eby'amagara etebeekanisiibwe aba Rotary Club omuri Mukono.

Mukuru w’eby’amagara ahabwa disiturikiti eya Mukono, Dr. Stephen Mulindwa naagira ngu disiturikiti yoona nesiima obushagiki bw’ekitongore ekya Rotary ekirikukira kubashagika omu by’amagara omu kicweka eki.

#WestUpdates