Abeegi b'eishomero erya Nakanyonyi Senior Secondary School abarikugambwa kuba bariire obutwa. Ebishushani byona n'ebya Henry Nsubuga.

N'ebya Henry Nsubuga

MUKONO

Abeegi barikurenga omuri 100 ab’eishomero erya Nakanyonyi Senior Secondary School omu tauni kanso eya Nakifuma-Naggalama omu disiturikiti eya Mukono bari omu mbeera mbi bwanyima y’okugambwa kuba bariire eby’okurya ebirimu obutwa.

Abeegi Nakanyongi SS abahairwe obutwa barikutwarwa omu eirwariro.

Emotoka za “Ambulance” zirikurenga 6 zairukangiza abeegi aba omu marwariro gatari gamwe agarimu erya; St. Francis Naggalama Hospital, Mukono Church of Uganda Hospital na Mukono General Hospital kutunga okuragurirwa.

Ambulance erikutwara omwegi ah'eirwariro bwanyima y'okurya eby'okurya birimu obutwa.

Omuduumizi wa Pooriisi ahabwa Naggalama, Simon Tsamusangire yaahamya amakuru aga arikugira ngu okucondooza kuriyo nikugyenda omu maisho kumanya ekirugiriireho okuheereza abaana obutwa.

Tsamusangire naagira ngu n’obu abeegi aba bari omumbeera mbi, beitu tihaine muntu weena owaafiire.

Omwegi wa Nakanyonyi SS arikutwarwa omu eirwariro ahabw'okugambwa kuba ariire obutwa.

Ebyahikireho kuruga omukukyebera kw’eirwariro erya Naggalama nibyoreka ngu abeegi aba babaasa kuba bariire eby’okurya ebirimu obutwa omumwabazyo gw'orwakashatu beitu naagira ngu okucondooza kuriyo nikugyenda omu maisho.

#WestUpdates